[100%] 
من طرف ايمان ملتزمة وصريحة اوى وممكن تحرج اللي ادامها بس دى طبيعة شخصيتها لكن قلبها ابيض والدها أصرّ انها تقابل وائل في النادى ابن انتيمه يمكن في نصيب...فهمته ان لها مواصفات معينه وشروط صعب ان شاب زي وائل يوافق عليها.....قالها قابليه وبعدها نتفاهم....قررت تقفش عليه بالرغم من انها ممكن تفهمه براحة وجهة نظرها علشان يذهب بلا عودة
ودار بينهما الحوار الآتى:
هو:هاى
هي:
اسمها السلام عليكم
هو:عادى يعنى مش فارقة
هى:...بلاش كلمة عادى دى علشان هو ده اللي مضييعنا ......انت المفروض مسلم وتسلم تحية الاسلام
هو:ايه يا بنتى الموضوع مش مستاهل كل ده....عامة السلام عليكم
هى:عليكم السلام بس انت بتهاودنى ولا ايه؟
هو:يا ستى لا بهاودك ولا حاجة....ممكن نغير الموضوع
هى:اتفضل
هو:طب تحبي نتكلم ف ايه؟!ليكون في مواضيع حرام نتكلم فيها ولا حاجة
هى:انت بتتريق عليا....عامة اتكلم في اي حاجة مش فارقة
هو:طب انتى بتحبي تسمعى ايه؟......طبعا مقصدش الاغانى الهابطة وقليلة الحيا بتاعت اليومين دول...لالالالا مطلقا بتاتا...اقصد عبده الحامولي..سيد درويش...عبد المطلب...ياااااه
هي(بنظره بتقول فيها يخرب بيت تقل دمك):هزار سخيف...انا لا بحب ده ولا ده
هو(بضحكة باردة):اومال بتحبى ايه؟
هي:مبحبش حاجة..........بينها وبين نفسها اووووووووووووف ياربي ايه الشخص ده
هو:افهم من كده انك من الناس اللي بتقول الاغانى حرام والحوارات دى
هى:والله مش انا اللي بقول.........ممكن اعلق علي حاجة بس تتقبلها منى
هو:اتفضلى
هى:ايه ده
هو:هو ايه؟!!
هي:آسفة يعنى..السلسلة اللي انت لابسها دى
هو:آآآآآآآآآآه...عجبتك؟!
هي:لأ طبعا...بس مش شيء لطيف ان رجل يلبس سلسلة
هو:حرام؟
هى:معرفش حكمها الشرعى ....بس بصراحه مبيعجبنيش ان رجل يلبس سلسلة
وأثناء ما هم بيتكلمو
جت ديدى بنت خالة وائل
هاي وئل
اهلا ديدى وحشانى
وسلمو علي بعض زي ما البنات بيسلمو علي بعض
ديدى:انا هجرى بقا علشان تمارين السباحة...سي يو.
وائل:اوكى باي
هي:علي فكرة اللي حصل ده مينفعش
هو:هو ايه ده؟!!
هي:طريقة سلامك علي ديدى
هو:لأ اصلك مش عارفة...ديدى دى زي اختى بالظبط...احنا متربيين مع بعض من زمان اوى فعلشان كده واخدين علي بعض اوى
هي:مش مبرر....الصح صح والغلط غلط
هو:يعنى مسلمش علي بنت خالتى!!!!ولا انتى غيرتى عليا
هي:سلم..بس سلم عليها رجل لبنت اجنبية...
هو:مجاوبتيش علي سؤالي؟
هى:اللي هو؟
هو:غيرتى عليا؟
هى:لأ هغير من ايه؟بس انا شوفت حاجة مش صح فصححتها مش اكتر
هو:هو احنا لو اتعزمنا علي فرح ابن عمى مثلا واتقال كل اتنين يطلعو يرقصوا الرقصة السلو مع العروسين هتوافقي تطلعى معاي؟
هى:اكيد لأ طبعا
هو:ليه...علي فكرة انا بتكلم بعد كده..يعنى هتكونى مراتى
هي:حتى لو مراتك...مينفعش طبعا...انت بتتكلم ف ايه......ممكن اقول حاجة
هو:اتفضلى
هي:انت حاسس اننا متفقين
هو:انتى شايفة ايه
هي:انا بسألك ترد
هو:ههههههههه....شكلك حلو اوى لما بتتنرفزي
هى:علي فكرة مينفعش تقولى شكلك حلو...جاوب علي سؤالي
هو:بصراحة لأ خالص...بس مع ذلك في حاجة غريبة شدانى ليكى
هى:انا كمان شايفة اننا منصلحش لبعض..لأن في حاجات كتير مختلفة بينا ومعتقدش ان حد فينا ممكن يغيرها علشان يرضي التانى
هو:ولو قلتلك قوليلي ايه اللي انتى شايفاه وهحاول اغيره
هى:..
هى:
انا في حاجات كتير لسه معرفهاش عنك علشان اقول ايه اللي مش عاجبنى بس في اساسيات معينة هي اللي انا مش لقياها فيك
هو:زى ايه؟
هى:بص يا وائل انت ممكن تكون حد كويس اوى بس صدقنى مش هتكون مرتاح معايا
هو:انا بقولك ادينى فرصة...قوليلى ايه الاساسيات اللي انت عوزاها واحاول تكون فيا
هى:طب ممكن اسألك شوية اسئلة
هو:طبعا اتفضلي
هي:انت بتصلي؟
هو:بصي الجمعة الحمدلله محافظ عليها....بس الباقي ابقي كذاب لو قلتلك منتظم...بس صدقينى الموضوع ف دماغى
هى:افهم من كده انك لا تقيم الليل
هو:اقيم الليل يعنى ايه؟!!!اقوم بالليل يعنى ولا ايه؟مش فاهم قصدك
هي:متعرفش يعنى ايه تقيم الليل؟!!!!!!!!!!!!!!!!!!!!!!!!!!!!!!!!!
هو(باستغراب):لأ
هي:يعنى تصلي بالليل والناس نايمة
هو:اااااااااااااااااااه...ساعات بعملها لما ضميري يئنبنى فاجيب ضهر عصر مغرب عشا كده ورا بعض لما ارجع من بره
هى:وليه متصليش بره؟
هو:مشكلتى الوضوء...والكوتشي والشراب هيتبهدلو كده....العملية مش طالبة
هي: اممممم عامة انا مقصدش كده....قيام الليل يعنى تصلي نافلة مش فريضة
هو:احم احم يعنى ايه نافلة؟
هي:نافلة يعنى سنة مش فرض مفروض ان شالله حتى ركعتين بس
هو:اما ابقي اظبط الفروض ابقي افكر في النافلة .....ممكن كفاية كلام في الدين
هي:مش قلتلك مش هتستحمل
هو:يعنى انتى حياتك 24 ساعة دين...الحياة فيها حاجات تانية نتكلم فيها
هى:الحياة طبعا فيها حاجات تانية بس لازم الدين يكون اساس فيها والا هنتوه وعامة اكيد في حاجات تانية بتكلم فيها...تسمحلي امشي
هو:بصراحة مش عاوزك تمشي بس هسيبك علي راحتك
هي:غريبة يعنى!!!
هو:ايه اللي غريبة؟
هى:مش عاوزنى امشي بالرغم من ان مش عجبك كلامى
هو:مش عارف....ايمى مكن نتكلم اكتر علشان نعرف بعض اكتر
هى:اولا اسمى ايمان مش ايمى...وعامة معنديش مانع نتكلم تانى بس لازم تفكر في كلامى الاول وبعدها تفكر اذا كان مقابلتنا تانى هتفيد ولا هيكون تضييع وقت
هو:اوكى يا ايمان...اشوفك الخميس الجاى؟
هى:ان شاء الله
هو:باى...اااقصد السلام عليكم
هى(بابتسامة خفيفة )وعليكم السلام
.................................................. ............................................
رجعت ايمان مع والدها عالبيت
الاب:ها ايه الاخبار
ايمان:مش مرتاحة اوى
الاب:ليه؟
هى:يعنى....لسه مكونتش عنه فكرة متكاملة...اتناقشنا في حاجات بسيطة كده ومستنية اشوف هيكون رده ايه
الاب:يعنى هتتقابلو تانى
هى:ان شاء الله لسه في حاجات كتير اوى لازم يبقي عارفها قبل منعلن الخطوبة...علشان ميجيش بعد كده يقول انى موضحتش
ويرن جرس الباب
اهلا سارة اتفضلي
الاب:احضرينا يا سارة
سارة:خير يا عمو
الاب:هسيب ايمان تحكيلك وعقليها انتى بقا
ويطلع الاب بره ويسيبهم مع بعض....وحكت ايمان لسارة اللي حصل بالنص
سارة:انتى مش ملاحظة انك زودتيها اوى...وبعدين موضوع الاغانى مثلا متزعليش منى مانتى ساعات بتسمعى
ايمان:بصي في فرق ما بين انى اكون ساعات بغلط وبعترف بغلطى وبحاول اتوب عنه وفرق ما بين قمة الاستهتار مع الغلط وكمان الدفاع عنه....يعنى مش تبقي هي دى حياتى وعلي فكرة ده من الحاجات اللي تخلينى لما ارتبط ارتبط بواحد يعلينى مش اعلمه الفرق بين الفريضة والنافلة!!!!!!!
سارة:ممكن سؤال بايخ
ايمان:قولي
سارة :هو لو كان الموقف ده مع .....كنتى هتتعاملى بنفس الاسلوب
ايمان:...............
نكمل الحلقة الجاية....انتظروناااااااا
ودار بينهما الحوار الآتى:
هو:هاى
هي:
اسمها السلام عليكم
هو:عادى يعنى مش فارقة
هى:...بلاش كلمة عادى دى علشان هو ده اللي مضييعنا ......انت المفروض مسلم وتسلم تحية الاسلام
هو:ايه يا بنتى الموضوع مش مستاهل كل ده....عامة السلام عليكم
هى:عليكم السلام بس انت بتهاودنى ولا ايه؟
هو:يا ستى لا بهاودك ولا حاجة....ممكن نغير الموضوع
هى:اتفضل
هو:طب تحبي نتكلم ف ايه؟!ليكون في مواضيع حرام نتكلم فيها ولا حاجة
هى:انت بتتريق عليا....عامة اتكلم في اي حاجة مش فارقة
هو:طب انتى بتحبي تسمعى ايه؟......طبعا مقصدش الاغانى الهابطة وقليلة الحيا بتاعت اليومين دول...لالالالا مطلقا بتاتا...اقصد عبده الحامولي..سيد درويش...عبد المطلب...ياااااه
هي(بنظره بتقول فيها يخرب بيت تقل دمك):هزار سخيف...انا لا بحب ده ولا ده
هو(بضحكة باردة):اومال بتحبى ايه؟
هي:مبحبش حاجة..........بينها وبين نفسها اووووووووووووف ياربي ايه الشخص ده
هو:افهم من كده انك من الناس اللي بتقول الاغانى حرام والحوارات دى
هى:والله مش انا اللي بقول.........ممكن اعلق علي حاجة بس تتقبلها منى
هو:اتفضلى
هى:ايه ده
هو:هو ايه؟!!
هي:آسفة يعنى..السلسلة اللي انت لابسها دى
هو:آآآآآآآآآآه...عجبتك؟!
هي:لأ طبعا...بس مش شيء لطيف ان رجل يلبس سلسلة
هو:حرام؟
هى:معرفش حكمها الشرعى ....بس بصراحه مبيعجبنيش ان رجل يلبس سلسلة
وأثناء ما هم بيتكلمو
جت ديدى بنت خالة وائل
هاي وئل
اهلا ديدى وحشانى
وسلمو علي بعض زي ما البنات بيسلمو علي بعض
ديدى:انا هجرى بقا علشان تمارين السباحة...سي يو.
وائل:اوكى باي
هي:علي فكرة اللي حصل ده مينفعش
هو:هو ايه ده؟!!
هي:طريقة سلامك علي ديدى
هو:لأ اصلك مش عارفة...ديدى دى زي اختى بالظبط...احنا متربيين مع بعض من زمان اوى فعلشان كده واخدين علي بعض اوى
هي:مش مبرر....الصح صح والغلط غلط
هو:يعنى مسلمش علي بنت خالتى!!!!ولا انتى غيرتى عليا
هي:سلم..بس سلم عليها رجل لبنت اجنبية...
هو:مجاوبتيش علي سؤالي؟
هى:اللي هو؟
هو:غيرتى عليا؟
هى:لأ هغير من ايه؟بس انا شوفت حاجة مش صح فصححتها مش اكتر
هو:هو احنا لو اتعزمنا علي فرح ابن عمى مثلا واتقال كل اتنين يطلعو يرقصوا الرقصة السلو مع العروسين هتوافقي تطلعى معاي؟
هى:اكيد لأ طبعا
هو:ليه...علي فكرة انا بتكلم بعد كده..يعنى هتكونى مراتى
هي:حتى لو مراتك...مينفعش طبعا...انت بتتكلم ف ايه......ممكن اقول حاجة
هو:اتفضلى
هي:انت حاسس اننا متفقين
هو:انتى شايفة ايه
هي:انا بسألك ترد
هو:ههههههههه....شكلك حلو اوى لما بتتنرفزي
هى:علي فكرة مينفعش تقولى شكلك حلو...جاوب علي سؤالي
هو:بصراحة لأ خالص...بس مع ذلك في حاجة غريبة شدانى ليكى
هى:انا كمان شايفة اننا منصلحش لبعض..لأن في حاجات كتير مختلفة بينا ومعتقدش ان حد فينا ممكن يغيرها علشان يرضي التانى
هو:ولو قلتلك قوليلي ايه اللي انتى شايفاه وهحاول اغيره
هى:..
هى:
انا في حاجات كتير لسه معرفهاش عنك علشان اقول ايه اللي مش عاجبنى بس في اساسيات معينة هي اللي انا مش لقياها فيك
هو:زى ايه؟
هى:بص يا وائل انت ممكن تكون حد كويس اوى بس صدقنى مش هتكون مرتاح معايا
هو:انا بقولك ادينى فرصة...قوليلى ايه الاساسيات اللي انت عوزاها واحاول تكون فيا
هى:طب ممكن اسألك شوية اسئلة
هو:طبعا اتفضلي
هي:انت بتصلي؟
هو:بصي الجمعة الحمدلله محافظ عليها....بس الباقي ابقي كذاب لو قلتلك منتظم...بس صدقينى الموضوع ف دماغى
هى:افهم من كده انك لا تقيم الليل
هو:اقيم الليل يعنى ايه؟!!!اقوم بالليل يعنى ولا ايه؟مش فاهم قصدك
هي:متعرفش يعنى ايه تقيم الليل؟!!!!!!!!!!!!!!!!!!!!!!!!!!!!!!!!!
هو(باستغراب):لأ
هي:يعنى تصلي بالليل والناس نايمة
هو:اااااااااااااااااااه...ساعات بعملها لما ضميري يئنبنى فاجيب ضهر عصر مغرب عشا كده ورا بعض لما ارجع من بره
هى:وليه متصليش بره؟
هو:مشكلتى الوضوء...والكوتشي والشراب هيتبهدلو كده....العملية مش طالبة
هي: اممممم عامة انا مقصدش كده....قيام الليل يعنى تصلي نافلة مش فريضة
هو:احم احم يعنى ايه نافلة؟
هي:نافلة يعنى سنة مش فرض مفروض ان شالله حتى ركعتين بس
هو:اما ابقي اظبط الفروض ابقي افكر في النافلة .....ممكن كفاية كلام في الدين
هي:مش قلتلك مش هتستحمل
هو:يعنى انتى حياتك 24 ساعة دين...الحياة فيها حاجات تانية نتكلم فيها
هى:الحياة طبعا فيها حاجات تانية بس لازم الدين يكون اساس فيها والا هنتوه وعامة اكيد في حاجات تانية بتكلم فيها...تسمحلي امشي
هو:بصراحة مش عاوزك تمشي بس هسيبك علي راحتك
هي:غريبة يعنى!!!
هو:ايه اللي غريبة؟
هى:مش عاوزنى امشي بالرغم من ان مش عجبك كلامى
هو:مش عارف....ايمى مكن نتكلم اكتر علشان نعرف بعض اكتر
هى:اولا اسمى ايمان مش ايمى...وعامة معنديش مانع نتكلم تانى بس لازم تفكر في كلامى الاول وبعدها تفكر اذا كان مقابلتنا تانى هتفيد ولا هيكون تضييع وقت
هو:اوكى يا ايمان...اشوفك الخميس الجاى؟
هى:ان شاء الله
هو:باى...اااقصد السلام عليكم
هى(بابتسامة خفيفة )وعليكم السلام
.................................................. ............................................
رجعت ايمان مع والدها عالبيت
الاب:ها ايه الاخبار
ايمان:مش مرتاحة اوى
الاب:ليه؟
هى:يعنى....لسه مكونتش عنه فكرة متكاملة...اتناقشنا في حاجات بسيطة كده ومستنية اشوف هيكون رده ايه
الاب:يعنى هتتقابلو تانى
هى:ان شاء الله لسه في حاجات كتير اوى لازم يبقي عارفها قبل منعلن الخطوبة...علشان ميجيش بعد كده يقول انى موضحتش
ويرن جرس الباب
اهلا سارة اتفضلي
الاب:احضرينا يا سارة
سارة:خير يا عمو
الاب:هسيب ايمان تحكيلك وعقليها انتى بقا
ويطلع الاب بره ويسيبهم مع بعض....وحكت ايمان لسارة اللي حصل بالنص
سارة:انتى مش ملاحظة انك زودتيها اوى...وبعدين موضوع الاغانى مثلا متزعليش منى مانتى ساعات بتسمعى
ايمان:بصي في فرق ما بين انى اكون ساعات بغلط وبعترف بغلطى وبحاول اتوب عنه وفرق ما بين قمة الاستهتار مع الغلط وكمان الدفاع عنه....يعنى مش تبقي هي دى حياتى وعلي فكرة ده من الحاجات اللي تخلينى لما ارتبط ارتبط بواحد يعلينى مش اعلمه الفرق بين الفريضة والنافلة!!!!!!!
سارة:ممكن سؤال بايخ
ايمان:قولي
سارة :هو لو كان الموقف ده مع .....كنتى هتتعاملى بنفس الاسلوب
ايمان:...............
نكمل الحلقة الجاية....انتظروناااااااا
