وداعا اصدقائى ... فإنى احبكم فى الله

بقالى كتير عمالة اقرأ الموضوع ومش عارفة اقول اية
بس خير ان شاء الله
مبدئيا كدة بس بلاش كلمة وداع دية لانها صعبة كتييييير وبصراحة دية اكتر حاجة ممكن اكرها فى
حياتى احنا ان شاءالله هنفضل متجمعين هنا فى المنتدى بنعرف اخبار بعض ونعلم ونتعلم من بعض وحتى لو اضطرنا الظروف لغير كدة فاكيد هنفضل فاكرين بعض بكل حاجة اتعلمناها من بعض وعلمناها لبعض
ربع عمرنا شئ مش قليل ولا صغير علشان ننساة بسهولة كنت بستعرض ال21 سنة من عمرى الى فاتت من كام يوم ولاقيت انى ربع حياتى معاكم دخلت الكلية واحدة وخارجة حد تانى اتغيرت فية حاجات كتير كنتوا السبب فيهااتعلمت معاكم متعة وقيمة العطاءيعنى اية تتعوض تاخد من وقتك علشان تلخص حاجة الكل يذاكر منها او تعمل محاضرات وتكون مسئول عنها او تحاول تفهم حاجة علشان تفهمها لغيرك وغيرة وغيرة
بلاش نبرة الحزن الى فى كلامنا ديةارجوكم
وحلمى اننا زى مكنا دفعة مختلفة الناس بتتعلم منها فى دراستنا فهنفضل برضة نفس الدفعة بعد مانتخرج ان شاءالله وهفضل عايشة باملة حتى لو متحققش
وعن نفسى فانا مسامحة كل ولد وبنت فى القسم لانى بجد اتعلمت منكم كتييييييييييييييير وغيرتوا فية حاجات كتير ويارب انتوا كمان تسامحونى على اى جرح جرحتة لحد بقصد او بدون قصد
او كلمة او عصبية او انى حد كان متعشم انى اعملة حاجة وقصرت فى عملها وعملتها مش زى ماهوة كان متوقع منى او خذلتة
او انى فى يوم من الايام كان حد محتاجنى وخذلتة ومكنتش جنبةاو محستش اصلا بية
او اى ظن سوء ظننتة فى حد
الوداع دة اختيار البشر مش الظروف الى بتجبرنا علية بيكون باختيارنا لما منسألش على ناس حبناها وعشنا معاها بحجة انى الايام فرقت مابنااو الظروف او حتى نسسى ندعيلهم
بغض النظر انا مش عارفة الى كاتب ولد ولا بنت بس الى عارفاة انك اى ماكنت اسال على اصحابك وكون معاهم دايما ومش تستنى انهم يسألوا هما عليك شوف نفسك تحب هما يعملوا معاك اية واعملة انت ومش تستنى ردهم والله اكيد يوم هيجى وهيسألوا هما عليك حتى لو كان بعد عمر طويييييييييييييل ولو ماجاش اليوم دة فعلى الاقل هيفتكروك دايما بالخير والتمس ليهم اى عذر والف عذر فى تقصيرهم نحوك واوعى تتخلى عن ناس فى يوم من الايام ليك ذكريات معاهم حتى لو كانت فى بعض الاحيان سيئة او ممكن متكونش على هوانا فاكيد فيها حاجة حلوة امسك فيها وافضل فاكرها واعلم انى الدنيا مش دايما على مزاجنا ولا بتمشى تبع راغبتنا
كون انت الحب الى بينهم الى بيجمعهم ويلمهم واعرف ان الدنيا والمشاغل اكيد هتاخدنا لاكن دايما كون انت المتواجد فى حياتهم بسؤالك عنهم وحاولوا كدة تتجمعوا ولو مرة كل شهر ولا شهر ونصف علشان طبعا نكون بس واقعين او حتى فى المناسبات لانى المشاغل بتكبر يوم عن يوم خلوا دايما حاجة مجمعاكم بتعملوها سوا ولو حتى عمل خير كدة كل فترة
خلى متعتك العطاء مش الاخذ ساعتها مش هيهمك مين بيسأل على مين وهيجى اليوم الى تشوف فية ثمرة تعبك
ومش تنسى الى بيحب حد بجدبتكون سعادتة فى ضحكة الى بيحبة وراحتة ختى لو كان على حساب نفسة
شوف هما هيكونوا مبسوطين ازاى لما تسأل عليهم وخلى فرحتك فى احساسك بفرحتهم انك لسة فاكرهم مش فى انهم لسة فاكرينك
حب الاهتمام من الاخرين طبيعة بشرية اديهلهم انت او انتى الاهتمام دة
ما تخليش زعلك منهم يبعدك لانك اول واحد هتكون حزيييييين ومش لاقى نفسك
حاسة انى طولت موووووووووووت بس فى النهاية انا بقى مش هقول وداع لانى معودى معكم الجنة مع الحبيب محمد صلى الله علية وسلم انا واثقة انى ربى مش هيحرمنا من الحلم دة انا عند ظن عبدى بى فليظن عبدى بى ماشاءامشوا بالمبدأ دة وربنا هيرضيكم بالى كتبة لانكم حتعرفة انة مش هيخذلكم
يارب اكون اقدرت اوصل حاجة تفتكرونى بيها وتكون خير لية
سامحووووووووووووووووونى وانا مش فاكرة لكم بجد غير كل خير يارب فعلا تسامحونى وتساعدونى انى انهاردة مع اول يوم لية فى السنة الجديدة انى ابتدى صفحة جديدة
مع ربنا ميكونش حد زعلان منى فيها
ولو بنت خدى دية ليكى انتى وكل البنات مش عارفة ينفع ادية للولاد كمان ولا لاعلى العموم خلينا فى الاضمن لو عجب الولاد هدية منى ليكم اهدوة لبعض
https://www.youtube.com/watch?v=A_mHBxBpY54