لعبه بدون كلام (تعالوا نلعبها كلنا )

reem mahmoud كتب:

مش فاهمه!!!!!

فهمووووووووووووووووووووووووووونى

ايه يا ريم يا حبيبتى مالك


بالراحه كده واحده واحده

هو المفروض اننا هنلعب لعبه بدون كلام
بس مش بدون كلام اللى لعبناها فى الباص الرحله اللى فاتت لا

بدون كلام المره دى هتكون
اننا منتكلمشى على حد خالص بالسوء لمده اسبوع و نبتدى نحسب النتيجه
و طبعا كل واحد هيكون مشرف على نفسه و عارف ان ربنا هيحاسبه
المهم لو عدى اول يوم فى الاسبوع من غير ما تتكلمى على اى حد بالسوء خالص يبقى كده انتى خدتى واحد
طيب لو اتكلمتى عن حد يبقى خدتى صفر فى اليوم ده و تكملى باقى الايام عادى و لو اتكلمتى عن حد تانى فى نفس اليوم تخصمى من رصيدك واحد حتى لو مكانشى فيه حاجه فى رصيدك تبقى -1

بس و بعدين نشوف كل واحد جاب كام من سبعه على اخر الاسبوع ان شاء الله
و لو عجبتكوا نلعبها كل اسبوع

بس خلاص
شفتى سهله ازاى


لو فيه اى مشكله قولى و اقول تانى
اصلى انا اللى مخترعاها فاكيد تحتمل الاعاقه انا عارفه بس معلشى استحملونى

يالا يا رورى قولى انك هتلعبيها معانا

laila alaa كتب:معاكو

ربنا يكرمك يا سمر ويجعله في ميزان حسناتك

ريم المقصود من اللعبة اننا لو موقف معين اضايقنا فيه من اي حد منتكلمش عليه واللي يتكلم عليه ينقص درجات

الهدف من الموضوع اننا نقلل من الكلام علي الناس بشكل عام
ده اللي فهمته والله اعلم

ربنا يخليكى يا لولى
هو ياريم زى ماليلى قالت كده بالظبط

aya hassan كتب:الله حلوة اوى العبة دية معاكى ان شاء الله

reem mahmoud كتب:

اه يا سمورتى اكيد هلعب معاكو طبعا انتى عارفه انى دايسه يعنى بس احنا هنحدد الموقف اللى هيدايقنا كلنا وللا كل واحد فى دنيته ومع نفسه فى البيت ومع اصحابه وكده يعنى ويحسب لنفسه؟؟؟؟

لا كل واحد مع نفسه يا رورى
يعنى تقريبا كل واحد هيلعبها مع نفسه و مش هيتكلم على كل الناس اللى يعرفهم

مبسوطه يا رورى اوىىىىىىى انك معانا فى اللعبه
عايزاكى تجيبى 7 يالا شدى حيلك

dandoon كتب:معاااااااااكوووووووو ان شاء الله
اكيــــــــــــــــــــد طبعا

منورانا يا دودىىىىىىى

ahmed attia كتب:هدفها جميل جدا و سامى اوى

انا هحاول العبها انا و نفسى و اشوف كده هجيب كام

nourhan ahmed كتب:allaaaaaaaaaaah ya samora begad gamda awy bas kont 3awza as2alek fe 7alet eny 2t5ana2t mn 7ad w2tkalemt 3aleh bas fe wesho elmafrod keda na5ob no2at zyada tab3an wla eeeeeeeeeeeeeeh


2o7ayeky 3la el 25tra3 elgamed dah ya7oby m3ako insha allah

نور يا حبيبتى منوره اللعبه ياجميله
مبسوطه كتير بردك

بصى يا بنتى هو فى حاله انك اتخنقتى من حد و قلتيلوا الكلام فى وشه يبقى كده تمااااااااام مادام مش اتكلمتى من وراه بس تبقى نادينى اتفرج

نورتينى يا نور

Niso كتب:معاكو ان شاء الله

ان شاء الله يا نيسوووو يا حبى

عايزاكى انتى و ليلى تفتنوا على بعض
اللى تلاقى واحده بتتكلم على حد تيجى تقولنا عليها فى الموضوع

dandoon كتب:هى اللعبة بدات ولا لسة

هه ههه ههه ههههه هه
اللعبه بدأت من امبارح يا دنيا

بس مش مشكله ابدأيها من دلوقتى
و الله يا دنيا انتى عسل بجد